今晚的30周年magic night終於圓滿結束了

直到表演完結的一刻, 我高高懸掛的心才得以放下~

幸好辛苦練習了個多月的dancing cane, 表演時達到了水準~

既沒有意外發生,又出奇地十分合拍, 最重要的是一致受到各方的讚賞~真的超開心

不過為了這兩分鐘的演出，卻苦練了個多月

真正體驗了「台上一分鐘、台下十年功」這句話~

我想做觀眾的從來都不會知道表演者背後原來付出了這麼多的努力!!!

掌聲是每一個表演者都應得的!!!!

這次演出尤其要多謝我的partner小叉~

由編排動作到揀選音樂都全靠你，如果唔係今晚都唔會咁成功

最重要係要你忍受我這個零音樂感的人~知道你用了很多心機去教我數拍子的

雖然我最終都係靠記!!!嘻嘻~

而最估不到的就是我竟然在落庄後4年才真正踏上表演的舞台~

最有幸的是今次表演並不是單代表自己, 而是代表了我的庄呢!

不過我想這應是唯一的一次吧~因為表演這回事實在壓力太大了~一次夠晒數!!!

 但做觀眾的話我一定會每年都支持的!!!!!

終於決定了, 要向新挑戰出發~

好多謝各位給過我好多意見,聽過我發嘮叨既朋友仔....你地既意見令我好受用....

麻煩到你地唔好意思....但我實在係需要大家既意見~

而家決定左有鬆一口氣既感覺, 雖然唔知將來會係點, 但決定左就唔好再諗喇~

要有信心.....奸爸爹!!!!

每年母親節都不愉快....無奈!!!!

人生第一次坐係高等法院入面既犯人欄(我諗都係只得呢一次,TOUCH WOOD千其唔好有下次), 係因為要見証庄友仔陳星星正式成為大律師呀~

因為人多關係, 入到庭入面不要說坐, 連企都唔夠位呀~

剛巧法庭人員開放了犯人欄供坐, 我同小KAY,小LING就急不及待咁走左入去坐

哈哈~因為真係想試下坐入面既滋味~(大吉利是)

估唔到入面原來係長椅, 仲要有2張...圍欄外仲要圍了膠片(但睇戲係無ga ma)，還有個mic.....

而個庭俾我想像中小, 因為戲入面既大好多~　

最搞笑係法官進場後, 看到我地3個都笑我地~哈哈~真係超級難忘呀~

當然能夠見証到星星成為大律師個一刻, 真係既開心又感動~

身為佢既朋友, 真的感到與有榮焉!!!!!!個一刻我地3個都覺得佢超型!!!

禮成後, 就去影相, 最開心既係終於可以係平時係電視就見得多既法庭外的噴水池到影相呀~(即係糖心風暴細契摑至歡個一幕個度呀)

超鐘意~哈哈~crazy左lor~

觀禮後, 我地一行3人就去左西環飲茶, 久違了的西環, 我諗我之後都應該唔會好多機會再去~

估唔到之後竟然係去左小ling屋企打牌打到半夜~好玩呀~多得小ken的教路與幫拖

最後係打個和，唔駛輸~多謝晒!!

我會記住我係ken流派ga~我唔會背叛師門, 亦都會緊記師傅教誨唔好打番子先, 嘻嘻~

但勢估到返到屋企先知原來第二日(即今日)我係要去拜山既, 頓時情天霹靂~因為我一早約左人去睇戲~

之前阿爸阿媽話要就大家都得閒所以就星期日去拜山, 但我竟然一早都以為係黎緊呢個星期日...

點解我咁stupid ga??anyway, 今日係辛勞既一日啦~勁"支力"~~~